भेडेटारमा ट्रेड युनियनको प्रदेश स्तरीय कार्यक्रम

धनकुटा । नेपाल ट्रेड युनियन कांग्रेस प्रदेश कार्य समितिको बैठक तथा क्षमता विकास तालिम भेडेटारमा सम्पन्न भएको छ ।

बैठकले ट्रेड युनियन कांग्रेसलाई अझ सशक्त बनाउदै विभिन्न कार्यक्रम संचालन गर्ने लगायत निर्णय गरेको युनियनका धनकुटा अध्यक्ष विगेन्द्र याक्खाले जानकारी दिए ।

कार्यक्रममा युनियनका प्रदेश अध्यक्ष नारायणबाबु कार्की, महाधिवेशन प्रतिनिधि विजय सन्तोषी राई, उदयपुर अध्यक्ष केदार कटुवाल लगायतले मुलुकको राजनीतिक परिवर्तनमा श्रमीकहरुले नेतृत्व गरेकोले अव आर्थिक कान्तिका लागि पनि नेतृत्वदायी भूमिका निर्वाह गर्नुपर्नेमा जोड दिए ।

तालिममा प्रदेश अध्यक्ष कार्कीले सार्वजनिक सेवा क्षेत्रको विषय र मोरङ्ग अध्यक्ष सुशिल कोईरालाले श्रम ऐनको वारेमा जानकारी गराएका थिए ।