काठमाडौँ, १२ असार । लियोनल मेसीले आफुलाई प्रमाणित गर्ने समय आएको छ ।
Advertisement
विश्वकपमा गोल गर्दै अर्जेन्टिाको निराशजनक प्रदर्शन भुलाएर टोलीलाई नकआउट चरणमा पुर्याउने र विश्वकै उत्कृष्ट स्ट्राईकर भए पनि सधैँ प्रमुख प्रतियोगितामा स्तरअनुसार प्रदर्शन गर्न नसकेको भन्दै हुने आलोचनालाई गलत साबित गर्ने ।
आईतबार ३१ औँ जन्मदिन परे पनि मेसीले जन्मदिन मनाएनन् । उनी मंगलबार नाईजेरियाविरुद्धको खेलमा जित हात पार्दै आफ्नो क्षमता प्रमाणित गर्न चाहन्छन् ।
अर्जेन्टिनामाथि विजयी नतिजा हात पारे नाइजेरिया अन्तिम १६ मा प्रवेश गर्नेछ । बराबरीको नतिजाले पनि नाईजेरियाका लागि अघिल्लो चरण प्रवेशको ढोका खोल्नेछ ।
तर, त्यसका लागि समुहकै अर्को खेलमा क्रोएसियाले आईस्ल्यान्डलाई पराजित गर्नुपर्नेछ । आईस्ल्यान्डको पक्षमा नतिजा आएमा नाईजेरियाले गोलअन्तरमा निर्भर हुनुपर्नेछ ।, नागरिक दैनिकमा खबर छ ।
