धनकुटा, १५ फागुन । धनकुटा नगरपालिका–४ माघाको हाङचुवा कृषक महिला समुहमा आवद्ध महिलाहरुले आफ्नै सक्रियतामा समुहको भवन निमार्ण गरेका छन् । भवन नहुँदा समस्या झेल्दै आएका महिलाहरुले देउसी भैलो खेलेको पैसाको सहायतामा आफै काममा खटिएर ‘कृषि हाडचुवा महिला भवन’ निमार्ण गरेका हुन् ।
नवनिर्मित भवनको वडाध्यक्ष जमशेर राईले उद्घाटन गरेका छन् । महिलाहरुकै पहलमा भवन निर्माण गरिनु नमुना काम भएको भन्दै वडाध्यक्ष राईले आगामी दिनमा यसलाई थप व्यवस्थित गर्न वडा कार्यालयले सहयोग गर्ने प्रतिवद्धता जनाएका छन् ।
Advertisement
समुहमा आवद्ध महिलाहरुले दैउसी भैलोवाट संकलन गरेको २ लाख रुपैया पनि भवन निर्माणमा खर्चिएका छन् । भवन निमार्णका लागि ४ नम्वर वडा कार्यालयको एक लाख सहयोग गरेको छ ।
स्थानीय बर्खवहादुर आठपहरिया राईले चार आना जग्गा निःशुल्क प्रदान गरेपछि भवन निर्माणमा सहज भएको हाङचुवा कृषक महिला समुहका अध्यक्ष दीलकुमारी राईले वताईन् । भवन निर्माण गर्दा ‘मिस्त्री’ बाहेक सवै काम महिलाहरुलेनै गरेका छन् ।
