सुनको मूल्य १७ सय रुपैयाँ घट्यो, आज कतिमा हुँदैछ कारोबार ?

विराटनगर । नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला एक हजार सात सय रुपैयाँले घटेको हो ।

महासङ्घका अनुसार आज सुन प्रतितोला दुई लाख ५९ हजार रुपैयाँमा कारोबार भइरहेको छ । सोमबार सुन प्रतितोला दुई लाख ६० हजार सात सय रुपैयाँमा कारोबार भएको थियो ।

Advertisement

महासङ्घका अनुसार चाँदीको मूल्य बढेको छ । आज चाँदी प्रतितोला १५ रुपैयाँले बढेर तीन हजार आठ सय ८५ रुपैयाँ कायम भएको छ । सोमबार चाँदी प्रतितोला तीन हजार आठ सय ७० रुपैयाँमा कारोबार भएको थियो ।