संगालोखबर 
विराटनगर । मोरङको धनपालथान गाउँपालिका-१ गडेरीयाबाट ठूलो मात्रामा प्रतिबन्धित औषधी ट्रामाडोल बरामद भएको छ । विशेष सूचनाका आधारमा खटिएको प्रहरी टोलीले बेवारिसे अवस्थामा २९ हजार ६ सय ८० क्याप्सुल ट्रामाडोल बरामद गरेको हो ।
बाँसको झ्याङमा २ वटा झोलामा लुकाएर राखिएको अवस्थामा ट्रामाडोल क्याप्सुल बरामद भएको प्रहरीले जनाएको छ । ओसार-पसारमा संलग्न व्यक्तिको खोजतलास भइरहेको कोशी प्रदेश प्रहरी कार्यालय विराटनगरले जनाएको छ ।
Advertisement
यसैगरी सुनसरीको धरान-१३ बाट प्रतिबन्धित औषधी २७६ चक्कीसहित एक जनालाई पक्राउ गरेको प्रहरीले जनाएको छ ।
