एमालेको महाधिवेशन प्रतिनिधि छनोट : मोरङ क्षेत्र नम्बर ६ बाट ढकालको प्यानल विजयी

विराटनगर । नेकपा एमालेको ११ औं राष्ट्रिय महाधिवेशन प्रतिनिधिका लागि भएको निर्वाचनमा मोरङ क्षेत्र नम्बर ६ बाट विनोद ढकालको प्यानल विजयी भएको छ । क्षेत्र नम्बर ६ बाट ढकाल पनि उम्मेदवार थिए । उनी सबैभन्दा बढी मत ल्याएर निर्वाचित भएका छन् ।

आज सार्वजनिक मतपरिणाम अनुसार खुला, महिला र युवा तिनै क्लस्टरमा ढकाल पक्षका उम्मेदवार निर्वाचित भएका छन् । खुला तर्फ ढकालले सर्वाधिक एक हजार ५२७ मत पाएका छन् ।

उनकै प्यानलका उम्मेदवार पितकुमार श्रेष्ठले एक हजार २८९, रमेशकुमार पोखरेलले एक हजार २८६ र सत्यनारायण चौधरीले एक हजार २७६ मत प्राप्त गरी विजय हासिल गरेका छन् ।

युवा तर्फ ढकाल समूहबाट सन्तोष घिमिरे निर्वाचित भए । ढकाल वरिष्ठ उपाध्यक्ष ईश्वर पोखरेल प्यानलमा छन् ।