धनकुटा, २१ असोज । धनकुटाको साँगुुरीगढी गाउँपालिका–६ कार्कीछाप नजिक शनिवार साँझ मिनिट्रक दुर्घटना भएको छ । धरानबाट किराना, कस्मेटिम लगायत सामाग्री लिएर हिले तर्फ जाँदै गरेको को.१ ख ३९६८ नम्बरको मिनिट्रक सडकमा पल्टिएको हो ।
दुर्घटनामा मानवीय क्षति नभएपनि सडक ढाक्नेगरी ट्रक पल्टिँदा करिव एक घण्टा कोशी राजमार्गको भेडेटार–धनकुटा सडकखण्डमा यातायात आवत–जावत प्रभावित भयो ।
Advertisement
ओरालो सडकमा ब्रेक फेल भएर सडक ढाक्नेगरी ट्रक पल्टिएपछि दोहोरो सवारी आवत–जावत हुँन नसकेको हो ।
सडकमा पल्टिएको ट्रक हटाएर साँझबाट दोहोरो रुपमा सवारी आवतजावत सुचारु गरिएको धनकुटाका ट्राफिक प्रहरी प्रमुख सुरेन्द्र खड्काले संगालोखबरलाई जानकारी दिएका छन ।
