धनकुटा, २१ असोज । धनकुटामा रिपोर्टस क्लव गठन भएको छ । जिल्लाका पत्रकारहरुको शनिवार भएको भेलाले बिनोद घिमिरेको अध्यक्षतामा ९ सदस्यीय समिति गठन गरेको हो ।
क्लवको उपाध्यक्षमा सरिता राई, सचिवमा बिदुर खवास, सह–सचिवमा यानिन्द्र तिगेला र कोषाध्यक्षमा नारायणकुमार आठपहरिया चयन भएका छन । त्यस्तैगरी सदस्यहरुमा कविराज घिमिरे, माया राउत, सर्मिला राई र दुर्गा निरौला रहेका छन । क्लवको सल्लाहकारमा राजेश्वर वहादुर श्रेष्ठ, विजय सन्तोषी राई, नगेन्द्र राई र सन्तवीर लामालाई चयन गरिएको छ ।
Advertisement
भेलामा रिपोर्टस क्लवका केन्द्रिय सदस्य गोपाल वराईली, पत्रकार महासंघ धनकुटाका पूर्व अध्यक्ष विजय सन्तोषी राई, जिल्ला उपाध्यक्ष नगेन्द्र राई, नेपाल आदिवासी जनजाती पत्रकार महासंघका जिल्ला अध्यक्ष सन्तवीर लामा लगायतले नयाँ समितिलाई शुभकामना दिदै पत्रकारहरु समाजको ऐना भएकाले समाज रुपान्तरणमा महत्वपूर्ण भूमिका निर्वाह गर्नुपर्नेमा जोड दिएका छन ।
रिपोर्ट क्लव धनकुटा शाखाले जनतालाई सुसुचित गराउन समसामयिक विषयमा अन्र्तक्रिया, छलफल, पत्रकार सम्मेलन लगायत गतिबिधि गर्ने नव निर्वाचित अध्यक्ष घिमिरेले जानकारी दिएका छन ।
