मोरङको बुढीगंगामा मोटरसाइकल दुर्घटना हुँदा एक जनाको मृत्यु

विराटनगर । मोरङको बुढीगंगा गाउँपालिका-२ मा मोटरसाइकल दुर्घटना हुँदा एक जनाको मृत्यु भएको छ । गएराति पौने एक बजे टंकी चोकबाट सक्मातर्फ जाँदै गरेको प्रदेश १-०२-०४५ प ९३५७ नम्बरको मोटरसाइकल आफैँ अनियन्त्रित भएर दुर्घटना भएको हो ।

दुर्घटनामा विराटनगर-४ का २१ वर्षीय श्याम गडेरीको मृत्यु भएको जिल्ला ट्राफिक प्रहरी कार्यालय मोरङका प्रमुख इन्स्पेक्टर राजन लम्सालले जानकारी दिए ।

दुर्घटनामा गम्भीर घाइते भएका उनलाई उपचारका लागि विराट टिचिङ अस्पताल पुर्‍याइएकोमा चिकित्सकले मृत घोषणा गरेका थिए । दुर्घटनाका सम्बन्धमा थप अनुसन्धान भइरहेको छ ।