धनकुटामा मोबाइल किन्दा गणेशले पाए टिभी उपहार

धनकुटा । धनकुटाको मदन चोकस्थित मानव मोबाइल पसलमा मोबाइल किन्दा तेह्रथुमका गणेश पौडेलले टिभी उपहार पाएका छन् । दशैं अफरमा मोबाइल किनेका पौडेलले गोला प्रथाबाट टिभी उपहार पाएका हुन् ।

तेह्रथुमको छथर जोरपाटी गाउँपालिका-१ सरस्वती माध्यमिक विद्यालयका प्रधानाध्यापकसमेत रहेका पौडेलले १३ हजार मूल्य बराबरको स्मार्टफोन किनेका थिए । दशैंदेखि छठपर्वसम्म विभिन्न उपहारको अफर ल्याएको सो पसलले पौडेललाई कुपन प्रदान गरेको थियो ।

सोही कुपनको आधारमा गोलाप्रथा मार्फत पौडेलले १८ हजार ५ सय मूल्य पर्ने ३२ इन्चको स्मार्ट टिभी उपहार पाएको मानव मोबाइल पसलका सञ्चालक रमेश पौडेलले जानकारी दिए । ‘नौ सय जनाले कुपन लिनुभएको थियो’, पसल सञ्चालक पौडेलले भने, ‘जसमध्ये गोलाप्रथा गर्दा उहाँ विजेता बन्नुभयो । अन्य पाँच जनाले पनि सान्त्वना पुरस्कार स्वरुप विभिन्न सामान पाउनु भएको छ ।’

अहिले पनि पसलमा विभिन्न अफर चलिरहेको पसल सञ्चालक पौडेलले जानकारी दिए । उनले भने, ‘मोबाइल र टिभी एक्सचेन्ज भइरहेको छ । पुरानो सामान ल्याएर नयाँ लग्न सक्नुहुनेछ ।’