सहिदभूमिमा नष्ट गरियो २१ हजार बोट गाँजा

धनकुटा । धनकुटाको सहिदभूमि गाउँपालिकामा एकैदिन २१ हजार बढी गाँजाको बोट फडानी गरेर नष्ट गरिएको छ । हिजो इलाका प्रहरी कार्यालयबाट खटिएको प्रहरी टोलीले २१ हजार पाँच सय गाँजाको बोट नष्ट गरेको हो ।

जिल्ला प्रहरी कार्यालय धनकुटाका अनुसार आफैँ उम्रिएको र अवैध रूपमा बारीमा लगाइएको गाँजा फडानी गरिएको हो ।

Advertisement

प्रहरी सहायक निरीक्षक जसबहादुर राईको नेतृत्वमा खटिएको प्रहरी टोलीले सहिदभूमि १ र ३ नम्बर वडाको करिब ३१ रोपनी क्षेत्रफलमा गाँजा फडानी गरेको हो ।

पछिल्लो समय धनकुटाका विभिन्न स्थानमा प्रहरीले गाँजा फडानी गरेर नष्ट गर्ने अभियानलाई तीब्र बनाएको छ ।