मोरङको ग्रामथानमा माओवादी उम्मेदवार माझीले फराकिलो बनाउदै अग्रता

विराटनगर । मोरङको ग्रामथान गाउँपालिकामा अध्यक्ष पदका लागि भएको उपनिर्वाचनमा नेकपा माओवादी केन्द्रका उम्मेदवार नमो नारायण माझीले अग्रता फराकिलो बनाउदै लगेका छन् ।

राती करिब २ः३० बजे सार्वजनिक मतपरिणाम अनुसार माझीले २४१२ मत प्राप्त गरेका छन् । नेपाली काँग्रेसका उम्मेदवार बलराम सरदारले १७४० मत प्राप्त गरेका छन् भने नेकपा एमालेका उम्मेदवार तुलसीराम विश्वासले ९९३ मत पाएका छन् । यस्तै राष्ट्रिय स्वतन्त्र पार्टीका उम्मेदवार नविन कुमार विश्वासले १२९ मत ल्याएका छन् ।

हालसम्म ५ हजार ५ सय ४१ मत गणना भएको सहायक निर्वाचन अधिकृत रामराज पौडेलले जानकारी दिए । जसमध्ये ८२ मत बदर भएको छ । २६ हजार ४४ मतदाता रहेको ग्रामथानमा ७१.३३ प्रतिशत अर्थात १८ हजार ५ सय ७७ मत खसेको छ । ग्रामथानमा एक स्वतन्त्रसहित १६ उम्मेद्वार चुनावी मैदानमा छन् ।