संगालोखबर 
सुनसरी । इटहरी उपमहानगरपालिका-२० पानीपिया जङ्गल स्थित कोशी लोकमार्गबाट गाँजा बोकेको स्कारपियो प्रहरीले नियन्त्रणमा लिएको छ । हिजो राति ७ बजेतिर विशेष सूचनाका आधारमा खटिएको प्रहरी टोलीले तीन सय नौ किलो गाँजासहित स्कारपियो गाडी नियन्त्रणमा लिएको हो ।
कोशी प्रदेश प्रहरी कार्यालय विराटनगर, इलाका प्रहरी कार्यालय धरान र इटहरीबाट परिचालन भएको प्रहरी टोलीले सडकमा रोकी राखेको को १ च ७६८९ नम्बरको स्कारपियोबाट गाँजा बरामद गरेको हो ।
Advertisement
स्कारपियो चालक भने फरार छन् । उनको खोजतलास भइरहेको कोशी प्रदेश प्रहरी कार्यालयले जनाएको छ । गाँजा र स्कारपियो इलाका प्रहरी कार्यालय इटहरीमा राखेर थप अनुसन्धान भइरहेको छ ।
