ताप्लेजुङ । ताप्लेजुङमा कुटपिट गरी श्रीमतीको हत्या गरेको आरोपमा श्रीमान् र छोरा पक्राउ परेका छन् । छोरासँग मिलेर कुटपिट गरी श्रीमतीको हत्या गरेको आरोपमा आठराई त्रिवेणी गाउँपालिका–३ हाङ्पाङका ४५ वर्षीय विद्याराज लिम्बू पक्राउ परेका हुन् ।
दाउराको चिर्पट प्रहार गरी विष्णुकुमारी लिम्बूको हत्या गरेको आरोपमा २१ वर्षीय छोरा मनोज लिम्बूसहित विद्याराज पक्राउ परेका हुन् । गत असोज २७ गते बाबुछोरा मिलेर विष्णुकुमारीमाथि कुटपिट गरेका थिए ।
Advertisement
कुटपिट भएको केही दिनपछि विष्णुकुमारीको मृत्यु भएको थियो । कुटपिटका उनको कारण मृत्यु भएपछि बाबुछोरालाई पक्राउ गरिएको जिल्ला प्रहरी कार्यालय ताप्लेजुङले जनाएको छ ।
