धनकुटा । धनकुटाको महालक्ष्मी नगरपालिका–७ जितपुरमा आज बिहान ट्याक्टर दुर्घटना हुँदा चार जना घाइते भएका छन् । जितपुरबाट लकडी लिन साफु जाँदै गरेको प्र १–०४००१ त ०३८८ नम्बरको ट्याक्टर बिहान करिब ९ बजे जितपुर बजार नजिक दुर्घटना भएको हो ।
दुर्घटनामा परी पाख्रीवास नगरपालिका–९ का २२ बर्षीय टेकबहादुर दर्लामी मगर, १५ बर्षीय रितेश आले मगर, ३६ बर्षीय टेकबहादुर दर्लामी मगर र १५ बर्षीय भक्त बहादुर दर्लामी मगर घाइते भएका छन् ।
Advertisement
जितपुरस्थित प्राथमिक स्वास्थ्य केन्द्रमा उनीहरुको उपचार भइरहेको जिल्ला प्रहरी कार्यालय धनकुटाले जनाएको छ । घाइतेहरुको अवस्था सामान्य छ । भित्तामा ठोक्किएर ट्याक्टर सडकमै पल्टिएको छ ।
