झापा । झापाको दमक नगरपालिका–१ स्थित रतुवा खोलाको बगरबाट लागुऔषध गाँजासहित एक जना पक्राउ परेका छन् । पक्राउ पर्नेमा इलामको माङसेवुङ गाउँपालिका–६ का ४६ बर्षीय बिरकुमार राई छन् ।
Advertisement
अस्थायी प्रहरी पोष्ट फाल्गुनन्दबाट खटिएको प्रहरी गस्ति टोलीले खोलाको बगरमा शंकास्पद अवस्थामा हिडिरहेका राईलाई खानतलासी गरेको थियो । सोही क्रममा उनले बोकेको झोला र हातमा झुन्ड्याएको जेव्रामा ८ किलोग्राम १६० ग्राम गाँजा बरामद भएको हो ।
गाँजासहित पक्राउ परेका राईको विषयमा इलाका प्रहरी कार्यालय दकमले थप अनुसन्धान गरिरहेको छ ।
