धनकुटा । राप्रपा परित्याग गरी नेपाली कांग्रेस प्रवेश गरेका नेता सुनिल बहादुर थापा कांग्रेसको केन्द्रिय सदस्यमा निर्वाचित भएका छन् । आइतवार साँझ सम्पन्न मतगणना अनुसार २४७२ मतसहित थापा केन्द्रिय सदस्यमा निर्वाचित भएका हुन् ।
Advertisement
उनी केन्द्रिय सदस्यको १४ औं स्थानमा परेका छन् । धनकुटाको मुगा घर भएका थापा यसअघि कांग्रेसको सह–महामन्त्री थिए । राप्रपा परित्याग गरी कांग्रेस प्रवेश गर्दा उनलाई कांग्रेसको सह–महामन्त्रीमा मनोनित गरिएको थियो ।
देउवा पक्षमा रहेका थापा महाधिवेशनमा आकांक्षी बढी भएर पदाधिकारीको सूचिमा नपरेपछि केन्द्रिय सदस्यको उम्मेद्वार बनेका थिए ।
राप्रपाका संस्थापक अध्यक्ष एवं पूर्व प्रधानमन्त्री सूर्यबहादुर थापाका छोरासमेत रहेका सुनिल कांग्रेसभित्र पहिलो पटक चुनाव भिडेका हुन् । उनी कांग्रेस केन्द्रिय सदस्यमा निर्वाचित धनकुटाका पहिलो नेता भएका छन् ।
