धनकुटामा मोटरसाइकल दुर्घटना

धनकुटा । धनकुटाको महालक्ष्मी नगरपालिका–५ वरडाँडास्थित मध्य पहाडी लोकमार्गमा मोटरसाइकल दुर्घटना हुँदा एक जना घाइते भएका छन् । बुधबार साँझ सवा ५ बजे संखुवासभाबाट धनकुटातर्फ आउँदै गरेको बा. प्रदेश ०३००१ ख १४६६ नम्बरको टिपरसँग सोही दिशाबाट आउँदै गरेको को.३१ प ९८५८ नम्बरको मोटरसाइकल ठोक्किदा दुर्घटना भएको हो ।

दुर्घटनामा मोटरसाइकलको पछाडि सवार भोजपुरको षडानन्द नगरपालिका–१ का २२ बर्षीया रोजिना खड्का घाइते भएकी छन् । उनको बाँया खुट्टामा चोट लागेको छ । धरानस्थित वीपी कोइराला स्वास्थ्य विज्ञान प्रतिष्ठानमा उनको उपचार भइरहेको प्रहरीले जनाएको छ । मोटरसाइकल चालक षडान्नद–२ का ३१ बर्षीय विराट खड्का घाइतेको उपचारमासँगै गएका छन् ।