सुनसरी । सुनसरीको देवानगंज गाउँपालिका–४ बाट १८० किलोग्राम गाँजासहित एक जना पक्राउ परेका छन् । पक्राउ पर्नेमा देवानगंज–५ का २५ बर्षीय सन्तोष कुमार मेहेता छन् ।
देवानगंजस्थित सीमा क्षेत्रमा ईलाका प्रहरी कार्यालय देवानगंजबाट खटिएको चेकिङ टोलीले सवारी साधन चेक जाँच गर्ने क्रममा प्रदेश –१–०४–००१ त ०६६६ नंम्बरको ट्याक्टरमा १८० केजी गाँजा फेला पारेको हो । चेकजाँचकै क्रममा ट्याक्टर चालक फरार भएका छन् ।
Advertisement
उक्त ट्याक्टरलाई को २९ प ८४८६ नम्बरको मोटरसाइकलले स्कटिङ गरेको थियो । सोही मोटरसाइकलका चालक मेहेतालाई प्रहरीले पक्राउ गरेको हो । फरार भएका चालकको खोजी भइरहेको छ भने बरामद भएको गाँजा, ट्याक्टर र मोटरसाइकललाई नियन्त्रणमा लिइएको जिल्ला प्रहरी कार्यालय सुनसरीले जनाएको छ ।
