धनकुटा । धनकुटा नगरपालिकाका पूर्व मेयर वाङ्दी लामाको आज निधन भएको छ । कोरोना संक्रमण पुष्टि भएपछि काठमाडौंको शिक्षण अस्पतालमा उपचाररत लामाको बिहान निधन भएको हो ।
Advertisement
जनता समाजवादी पार्टीका केन्द्रिय सल्लाहकार समिति सदस्यसमेत रहेका लामाको निधन भएको सो पार्टीका धनकुटा उपाध्यक्ष विकास घिमिरेले पुष्टि गरे । हिले निवासी लामा २०५४ सालमा नेकपा एमालेको तर्फबाट धनकुटा नगरपालिकाको मेयरमा बिजयी भएका थिए ।
पछिल्लो समय काठमाडौं बसेर सामाजिक काममा सक्रिय लामा राजनीतिमा भने निष्कृय थिए । केही बर्ष अघि उनी जनता समाजवादी पार्टीमा आवद्ध भएका थिए ।
