धनकुटा । धनकुटाको साँगुरीगढी गाउँपालिकामा प्रहरीले आइतवार गाँजा खेती फडानी गरेको छ । साँगुरीगढी–७ तपचुवाको करिब १० रोपनी क्षेत्रफलमा लगाइएको ६ हजार ५ सय बोट गाँजा फडानी गरिएको जिल्ला प्रहरी कार्यालयले जनाएको छ ।
Advertisement
इलाका प्रहरी कार्यालय भेडेटारबाट प्रहरी सहायक निरीक्षक गजेन्द्र घिमिरेको नेतृत्वमा खटिएको प्रहरी टोलीले गाँजा खेति फडानी गरी जलाएर नष्ट गरेको हो । धनकुटाको सहिदभूमिसहित बिभिन्न क्षेत्रमा व्यावसायीक रुपमा गाँजा खेति हुँने गरेको छ ।
स्थानीयबासीले गाँजा खेति गर्ने र प्रहरीले गाँजा फडानी गर्ने क्रम हरेक बर्ष चल्ने गरेको छ ।
