धनकुटा । धनकुटामा शनिवार रक्तदान कार्यक्रम गरिएको छ । ६६ औँ प्रहरी दिवसको अवसर पारेर जिल्ला प्रहरी कार्यालय धनकुटाले रक्तदान कार्यक्रम गरेको हो । सो अवसरमा नेपाल प्रहरी, सशस्त्र प्रहरी र स्थानीयबासी गरी ३७ जनाले रक्तदान गरेको जिल्ला प्रहरी कार्यालयले जनाएको छ ।
Advertisement
जिल्ला प्रहरी कार्यालय धनकुटा तथा मातहतमा कार्यरत १६ जना प्रहरी, सशस्त्र प्रहरी बल नेपाल नं. ६ गुल्म हेटक्वाटर छिन्ताङ धनकुटामा कार्यरत ५ जना सशस्त्र प्रहरी र १६ जना स्थानीयबासीले रक्तदान गरेका छन् । रक्तदानका लागि रेडक्रस सोसाइटीले सहयोग गरेको थियो ।
यसअघि शुक्रबार धनकुटाको सिधुवामा नेपाल रेडक्रस सोसाइटी छथर जोरपाटी सिधुवा शाखाले रक्तदान कार्यक्रम गरेको थियो ।
