खोटाङ । खोटाङको दिक्तेल रुपाकोट मझुवागढी नगरपालिका–१३ माथ्लो नुनथलास्थित मध्यपहाडी लोकमार्गमा गएराती ट्याक्टर दुर्घटना हुँदा सहचालकको मृत्यु भएको छ । राती करिब साँढे १० बजे रबुवाबाट दिक्तेलतर्फ आउँदै गरेको स १ त ७०७१ नंम्बरको ट्याक्टर अनियन्त्रित भई पल्टिएको हो ।
दुर्घटनामा परी ट्याक्टरका सहचालक दिक्तेल रुपाकोट मझुवागढी नगरपालिका–४ का १८ बर्षीय पिलक्स राईको मृत्यु भएको प्रहरीले जनाएको छ । ट्याक्टरमा च्यापिदा राईको घटनास्थलमै मृत्यु भएको हो ।
Advertisement
घटनापछि चालक हलेसी तिवाचुङ नगरपालिका–३ का २४ बर्षीय महेन्द्र राईलाई नुनथला प्रहरी चौकीले नियन्त्रणमा लिएको छ ।
