५९ बर्षीया महिलालाई बलात्कार गरेको आरोपमा ३० बर्षीय युवा पक्राउ

उदयपुर । उदयपुरमा ५९ बर्षीया महिलालाई जबरजस्ती करणी गरेको आरोपमा एक युवा पक्राउ परेका छन् । जबरजस्ती करणीको आरोपमा प्रहरीले चौदण्डिगढी नगरपालिका–६ का ३० बर्षीय मुकेश बि.क.लाई पक्राउ गरेको हो ।

बिहिबार साँझ ६ बजे चौदण्डिगढी–६ स्थित द्वारखोला जंगलमा मुकेशले महिलालाई जबरजस्ती करणी गरेको आरोप छ । मुकेशले जवरजस्ती करणी गरेको भन्दै महिलाका आफन्तले शुक्रबार ईलाका प्रहरी कार्यालय बेल्टारमा जाहेरी दिएका छन् ।

जाहेरीपछि ईलाका प्रहरी कार्यालय बेल्टारको टोलीले मुकेशलाई पक्राउ गरेको हो । उनीविरुद्ध उदयपुर जिल्ला अदालतमा जबरजस्ती करणी मुद्दा दायर गरी घटनाको बिषयमा थप अनुसन्धान भइरहेको जिल्ला प्रहरी कार्यालय उदयपुरले जनाएको छ ।