धनकुटा । धनकुटाको सिधुवामा शुक्रबार खुल्ला रक्तदान कार्यक्रम गरिएको छ । निगाले सिमेन्ट उद्योगको सहयोगमा नेपाल रेडक्रस सोसाइटी छथर जोरपाटी गाउँपालिका सिंधुवा शाखाले रक्तदान कार्यक्रम गरेको हो ।
Advertisement
सिधुवा बजारमा शुक्रबार बिहान १० बजेबाट सुरु भएको रक्तदान कार्यक्रम साँझसम्म जारी रहने आयोजकले जनाएको छ । कार्यक्रममा सिधुवाबासीहरुले रक्तादान गरिरहेका छन् ।
सो अवसरमा रेडक्रस सोसाइटी छथर जोरपाटी गाउँपालिका सिधुवा शाखाका सह–कोषाध्यक्ष तथा हाँस्य कलाकार पुष्पराज ओझाले १७ औं पटक रक्तदान गरेका छन् ।
रक्तदानका लागि रक्त सन्चार केन्द्र धरानले प्राविधिक सहयोग गरेको छ । सिधुवा शाखाले यसअघि पनि चार पटक रक्तदान कार्यक्रम गरेको थियो ।
