धनकुटा । प्रहरीले धनकुटाको सहिदभूमि गाउँपालिकामा शनिवार गाँजा फडानी गरेको छ । इलाका प्रहरी कार्यालय छिन्ताङबाट खटिएको प्रहरी टोलीले सहिदभूमि–३ कोकोथेममा ३ रोपनी क्षेत्रफलमा लगाइएको गाँजा खेति फडानी गरेको हो ।
गाँजा फडानीका लागि इलाका प्रहरी कार्यालय छिन्ताङबाट प्रहरी निरीक्षक काजी बहादुर बस्नेतको नेतृत्वमा प्रहरी टोली खटिएको थियो ।
प्रहरी टोलीले २ सय वटा गाँजाको बेर्ना र ३ सय वटा बोट गरी ५ सय बोट गाँजा नष्ट गरेको जिल्ला प्रहरी कार्यालय धनकुटाले जनाएको छ ।