बिराटनगर । धनकुटाका एक युवा गाँजासहित विराटनगरबाट पक्राउ परेका छन् । प्रहरीले सहिदभूमि गाउँपालिका–७ का २४ बर्षीय सागर राईलाई बिराटनगर महानगरपालिका–४ कन्चनबारीबाट पक्राउ गरेको हो ।
Advertisement
हिजो बेलुका साढे ८ बजे सीआरभी पोष्ट भट्टा चौकबाट खटिएको प्रहरी टोलीले सार्वजनिक सवारी साधन चेकजाँच गर्ने क्रममा गाँजासहित राईलाई पक्राउ गरेको हो । उनको साथबाट ५ किलो गाँजा बरामद भएको प्रहरीले जनाएको छ ।
पक्राउ परेका राईलाई जिल्ला प्रहरी कार्यालयको हिरासतमा राखिएको छ । उनको कारोवारका विषयमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।
