![](https://sangalokhabar.com/wp-content/uploads/2021/08/Mahila-pakrau-jel-chalan.jpg)
विराटनगर । २५ जना महिलालाई श्रीलङ्का लगेर बेचेको आरोपमा पक्राउ परेकी सुनसरीकी एक महिलालाई जेल चलान गरिएको छ ।
कुवेतमा राम्रो तलब पाउँने आस देखाएर महिलाहरुलाई बन्धक बनाएको आरोपमा पक्राउ परेकी रामधुनी–९ की ४० वर्षीया सावित्री मुखियालाई केन्द्रीय कारागार कार्यालय जगन्नाथदेवल थुनामा पठाइएको हो । काठमाडौँ जिल्ला अदालतले उनलाई पुर्पक्षका लागि थुनामा पठाउँन आदेश दिएको थियो ।
उनले महिलाहरुलाई धेरै तलब पाइने आस देखाएर काठमाडौँबाट सप्तरीको राजविराज हुँदै हनुमाननगर नाकाबाट भारतको नयाँ दिल्ली पुर्याई त्यहाबाट श्रीलङ्का लगेर बन्धक बनाएको आरोप छ । प्रहरीको मानव बेचबिखन नियन्त्रण ब्यूरोले श्रीलङ्का प्रहरीको सहयोगमा महिलाहरुलाई उद्धार गरी मुखियालाई पक्राउ गरेको हो ।