झापा । झापाको अर्जुनधारा नगरपालिका–११ स्थित नयाँ बसपार्कमा अटो टेम्पुबाट लागूऔषध ब्राउन सुगर बरामद भएको छ । ब्राउन सुगरसहित दुई जनालाई प्रहरीले पक्राउ गरेको हो ।
Advertisement
पक्राउ पर्नेमा अटो चालक बिर्तामोड–४ का २१ बर्षीय रुपेश साह र टेम्पुमा सवार हल्दिबारी–३ का २१ बर्षीय बिबेक बाँनिया छन् ।
अस्थाई प्रहरी पोष्ट बसपार्कको टोलीले मे १ ह ३४३१ नम्बरको अटोलाई चेकजाँच गर्ने क्रममा २ ग्राम ९० मिलिग्राम ब्राउन सुगर बरामद भएको हो ।
त्यस्तै, २० हजार नगद पनि बरामद भएको छ । पक्राउ परेका दुबै जनाको विषयमा थप अनुसन्धान भइरहेको प्रहरीले जनाएको छ ।
