विराटनगर । प्रदेश १ मा पछिल्लो २४ घण्टामा १ हजार १ सय ८० जना कोरोना संक्रमित थपिएका छन् । २ हजार १ सय २४ जनाको पीसीआर परीक्षण गर्दा ६७८ र १ हजार ७ सय २८ जनाको एन्टिजेन परीक्षण गर्दा ५०२ जनामा कोरोना संक्रमण देखिएको सामाजिक विकास मन्त्रालयले जनाएको छ ।
Advertisement
मन्त्रालयका अनुसार पीसीआर परीक्षणका आधारमा झापामा २६६, मोरङमा १८८, सुनसरीमा १७३, धनकुटामा १२, उदयपुर र तेह्रथुममा ५–५, इलाममा ४, भोजपुरमा ३, ताप्लेजुङ, ओखलढुङ्गा र संखुवासभामा १–१ जनामा संक्रमण पुष्टि भएको हो । त्यस्तै, प्रदेश १ मा गरिएको परीक्षणमा प्रदेश १ बाहिरका १९ जनामा संक्रमण देखिएको छ ।
झापाको दमकमा ७४, विर्तामोडमा ५७, भद्रपुरमा ३९, मेचीनगरमा २४, कनकाईमा १७, अर्जुनधारामा १४, शिवसताक्षीमा १३, बाह्रदशीमा ११, बुद्धशान्तिमा ६, कमल गाउँपालिकामा ५, हल्दिबारीमा ४ र गौरादहमा २ जनामा संक्रमण पुष्टि भएको छ । मोरङको लेटाङमा ५०, विराटनगरमा ४१, बेलबारीमा ३९, केराबारीमा २९, सुन्दरहरैंचामा ९, उर्लाबारीमा ५, बुढीगंगा, ग्रामथान, पथरीशनिश्चरे र स्थानीय तह नखुलेका २–२, कटहरी, मिक्लाजुङ, रतुवामाई, रंगेली, कानेपोखरी, धनपालथान र सुनबर्षीमा १–१ जना संक्रमित थपिएका छन् ।
सुनसरीको धरानमा ११७, इटहरीमा ४४, रामधुनीमा ५, बराहक्षेत्रमा ३, इनरुवामा २, देवानगञ्ज र बर्जुमा १–१, धनकुटाको धनकुटा नगरपालिकामा ५, पाख्रीबास नगरपालिकामा ४, सहिदभूमि, छथर जोरपाटी र स्थानीय तह नखुलेका १–१ जनामा संक्रमण पुष्टि भएको छ । उदयपुरको त्रियुगा र उदयपुरगढीमा २–२, चौदण्डीगढीमा १, तेह्रथुमको म्याङलुङमा ३, आठराई र स्थानीय तह नखुलेका १–१, इलामको इलाम नगरपालिकामा २, चुलाचुली र स्थानीय तह नखुलेका १–१, भोजपुरको भोजपुर नगरपालिका, षडानन्द र अरुणमा १–१, ताप्लेजुङ र ओखलढुङ्गा र संखुवासभामा १–१ जना संक्रमित थपिएका छन् ।
यसैबीच, प्रदेश १ मा आज २०१ जना कोरोना संक्रमित संक्रमणमुक्त भएका छन् । संक्रमणमुक्त हुनेमा १ सय महिला र १०१ पुरुष छन् । पछिल्लो २४ घण्टामा प्रदेश १ मा कोरोनाबाट ५ महिला र ९ पुरुष गरी १४ जनाको कोरोना संक्रमणबाट मृत्यु भएको मन्त्रालयले जनाएको छ ।
