काठमाडौं । साढे चार बर्षअघि साउदी अरबमा मृत्यु भएका हिलेदेवी ५ रापेछापका ४९ बर्षीय बमबहादुर तामाङको शव बुधबार साँझ स्वदेश आइपुगेको छ । उनको सन् २०१२ अगस्ट ९ मा उपचारको क्रममा दमाम मेडिकल कम्प्लेक्समा मृत्यु भएको थियो ।
सबै रेकर्ड धनबहादुर तामाङको नाममा रहेकोले शव स्वदेश पठाउन ढिलाइ भएको साउदीस्थित नेपाली दूतावासले जनाएको छ । धनबहादुर र बमबहादुर घर फिर्नका लागि दमामस्थित डिपोर्टेसन सेन्टरमा गएका थिए ।
Advertisement
धनबहादुर प्रक्रिया पुरा गरेरै जेलबाट स्वदेश फिरे । बिरामी परेर बमबहादुरलाई अस्पताल लगियो तर अस्पतालमा बमबहादुरको नाममा नभई धनबहादुरको नाममा शव थियो । आजको कान्तिपुरमा खबर छ ।
