झापा । झापाको भद्रपुर–९ स्थित देवकोटा चोकमा शुक्रबार दिउँसो कार दुर्घटना हुँदा नेकपा एमालेका नेता ज्ञानुराम प्रसाईको निधन भएको छ । चारआली–भद्रपुर सडक खण्डस्थित देवकोटा चौकमा कार दुर्घटना हुँदा एमाले बिर्तामोड नगर कमिटी अध्यक्ष प्रसाईको मृत्यु भएको हो ।
Advertisement
बिर्तामोड–१ निवासी ४६ वर्षीय अध्यक्ष प्रसाईले चलाएको बा १६ च ८१८२ नम्बरको कार अनियन्त्रित भई दुर्घटना भएको हो । दुर्घटनामा परी गम्भीर घाइते भएका प्रसाईलाई उपचारका लागि मेची अञ्चल अस्पताल पुर्याइएको थियो ।
अस्पताल पुर्याउनसाथ डाक्टरले उनलाई मृत घोषित गरेको जिल्ला प्रहरी कार्यालय झापाले जनाएको छ ।
