विराटनगर । नेपाली बजारमा सोमबार सुनको मूल्य ७ सय रुपैयाँ घटेको छ । मूल्य घटेर सुन प्रतितोला ९३ हजार २ सय रुपैयाँमा कारोवार भइरहेको नेपाल सुनचाँदी व्यवसायी महासंघले जनाएको छ ।
यसअघि आइतवार पनि सुनको मूल्य ६ सय रुपैयाँ घटेको थियो । तेजाबी सुन पनि तोलामा ७ सय रुपैयाँ घटेर ९२ हजार ७ सय रुपैयामा कारोवार भइरहेको छ ।
यता, चाँदीको भाउमा पनि सामान्य गिरावट आएको छ । प्रतितोला ५ रुपैयाँले घटेर चाँदी सोमबार ३६५ रुपैयाँमा कारोवार भइरहेको महासंघले जनाएको छ ।