मोरङ । बिराटनगर–१७ मटेरुवा चौकबाट लागुऔषधसहित एक जना महिला पक्राउ परेकी छन् । सुनसरीको इटहरी–१ की ४१ बर्षीया रेखा न्यौपानेलाई लागुऔषधसहित प्रहरीले पक्राउ गरेको हो ।
Advertisement
शनिबार बेलुका ६ बजे इलाका प्रहरी कार्यालय रानीबाट खटिएको प्रहरी टोलीले उनले बोकेको झोला चेकजाँच गर्दा लागुऔषध बरामद भएको हो ।
उनको झोलाबाट लागुऔषध डाइलेक्स–डीसी ५० बोतल, नाईट्राभेट १०० ट्याब्लेट, स्पास्मो प्रोक्सिभोन प्लस ४३२ चक्की बरामद भएको प्रहरीले जनाएको छ । पक्राउ परेकी न्यौपानेका विषयमा थप अनुसन्धान भइरहेको प्रहरीले जनाएको छ ।
