धनकुटा । धनकुटा नगरपालिका–६ कोल्डस्टोरमा आज साँझ मिनीट्रकले मोटरसाइकललाई ठक्कर दिँदा मोटरसाइकल चालक घाइते भएका छन् । इटहरीबाट तेह्रथुम जाँदै गरेको प्रदेश १–०२–००१ ख ८७३४ नम्बरको मिनिट्रकले विपरित दिशाबाट आउँदै गरेको प्रदेश १–०२–०४१ प ४६२५ नम्बरको मोटरसाइकललाई साँझ ५ः४५ बजे ठक्कर दिएको हो ।
ठक्करबाट मोटरसाइकलमा सवार संखुवासभाको धर्मदेवी नगरपालिका–३ का ३८ बर्षीय होमबहादुर थापा घाइते भएको धनकुटाका प्रहरी प्रमुख गोविन्द अधिकारीले बताए । धनकुटा जिल्ला अस्पतालमा घाइते थापाको उपचार भइरहेको छ ।
तस्वीर : भुवन राई
