उदयपुर । उदयपुरको कटारी नगरपालिकामा करेन्ट लागेर जंगली भालुको मृत्यु भएको छ । मिर्चैया–कटारी चुरेखण्डको जङ्गलमा हाइटेन्सन भोल्टेजको विद्युत् तारवाट करेन्ट लागेर भालु मरेको डिभिजन वन कार्यालय त्रिवेणीले जनाएको छ ।
विद्युत् तारबाट चिसो जमिनमा करेन्ट प्रवाह हुँदा भालुलाई करेन्ट लागेको बताइएको छ । हाइटेन्सनको भोल्टेजबाट कटारी क्षेत्रमा विस्तार गरिएको विद्युतको तार चुरे जङगलका केही भाग र जमिनमासमेत प्रवाह हुने गरेका कारण घटना भएको बन कार्यालयले जनाएको छ ।
Advertisement
नाङ्गो तार र चिसो जमिन तथा हरियो रुख बिरुवा तारमा छुँदा बेला–बेला यस्ता घटना हुँने गरेका छन् ।
