उदयपुर । उदयपुरको उदयपुरगढी–६ स्थित एक घरमा जुवा खेलिरहेको अवस्थामा १३ जना पक्राउ परेका छन् । जुवा खेलिरहेको अवस्थामा गएराती करिब ३ बजे छापा मारेर प्रहरीले उनीहरुलाई पक्राउ गरेको हो ।
Advertisement
पक्राउ पर्नेमा उदयपुरगढी–५ का ३१ बर्षीय सुशिल कुमार गुरागाई, ३२ बर्षीय मनोज थापा, उदयपुरगढी–६ का २८ बर्षीय सुरज कुमार मगर, ३० बर्षीय जीवन गिरी, ३० बर्षीय धर्मनाथ दाहाल, ३१ बर्षीय दुर्गारमण दाहाल, ३२ बर्षीय युवराज कार्की, ३३ बर्षीय यादव खत्री र ४० बर्षीय शरद खत्री छन् । यसैगरी रौतामाई–७ का ४३ बर्षीय प्रकाश दाहाल, उदयपुरगढी–८ का २७ बर्षीय सुदिप खत्री, ४० बर्षीय श्याम खत्री र ४२ बर्षीय बिदुर खत्री पक्राउ परेका छन् ।
प्रहरीले जुवाको खालबाट ५८ हजार ८ सय ५ रुपैयाँ नगद, १६ थान कौडा, १२ थान मोबाईल र ८ थान मोटरसाइकलसमेत बरामद गरेको छ । पक्राउ परेकाहरुविरुद्ध कारबाही प्रकृया अघि बढाईएको जिल्ला प्रहरी कार्यालय उदयपुरले जनाएको छ ।
