मोरङ । विराटनगरबाट चोरी भएको मोटरसाईकलसहित चार जना पक्राउ परेका छन् । मोटरसाईकल चोरेको आरोपमा बिराटनगर–४ का २० बर्षीय बिबेक थान्दार र अमन थान्दार, बुढिगंगा गाउँपालिका–२ का २० बर्षीय पुजन थान्दार र दुहवी नगरपालिका–१० का २० बर्षीय नगेन्द्र चौधरीलाई प्रहरीले पक्राउ गरेको हो ।
Advertisement
नोबेल शिक्षण अस्पतालको पार्किङ एरियाबाट आईतबार को.३९ प.२४४२ नम्बरको मोटरसाईकल हराएको थियो । हराएको मोटरसाईकल खाजी गर्ने क्रममा सोमबार राती करिव ८ बजे बिराटनगर–४ बुढाथोकी मार्गमा फेला परेको हो ।
चोरी गरेको मोटरसाईकलको नम्बर प्लेट परिवर्तन गरी बुढाथोकी मार्गमा डोर्याउँदै गरेको अवस्थामा उनीहरुलाई पक्राउ गरिएको जिल्ला प्रहरी कार्यालय मोरङले जनाएको छ ।
