बिराटनगर । मोरङको विराटनगरका दुई भिन्न स्थानबाट खैरो हेरोईनसहित तीन जना पक्राउ परेका छन् । बुधबार साँझ बिराटनगर–१६ स्थित दरैयाबाट प्रहरीले भारतको बिहार अररिया जोगबनी–९ का ३२ बर्षीय सुरजेश कुमार राय र १३ बर्षीय मोहम्मद आशिक मियालाई पक्राउ गरेको हो ।
Advertisement
बिशेष सुराकीका आधारमा लागुऔषध नियन्त्रण ब्युरो बिराटनगरबाट खटिएको प्रहरी टोलीले उनीहरुलाई नियन्त्रणमा लिएको हो । उनीहरुको साथबाट ५ ग्राम खैरो हेरोईन बरामद भएको छ ।
त्यस्तै बिराटनगर–१७ का २७ बर्षीय लद्दीफुल मिया १३ ग्राम खैरो हेरोईनसहित पक्राउ परेका छन् । उनलाई बिराटनगर–७ शनिमन्दिर एरियाबाट प्रहरीले पक्राउ गरेको हो । पक्राउ परेका तीनै जनाविरुद्ध कानुनी कारबाही अघि बढाईएको जिल्ला प्रहरी कार्यालय मोरङले जनाएको छ ।
