धरान । छिमेकीलाई छुरा प्रहार गरेर फरार भएका धरान उपमहानगरपालिका–१५ का निश्चल लिम्बुलाई दुई महिनापछि प्रहरीले पक्राउ गरेको छ । धरान–१५ स्थित नयाँ सडकमा स्थानीय १८ बर्षीय केशव राईलाई छुरा प्रहार गरेर फरार भएका लिम्बुलाई प्रहरीले पक्राउ गरेको हो ।
Advertisement
गत बैशाख ५ गते घर नजिक रहेका राईलाई १८ बर्षीय लिम्बुले पेट लगायत शरीरका बिभिन्न भागमा छुरा प्रहार गरेका थिए । त्यसपश्चात फरार रहेका लिम्बुबिरुद्ध पीडित पक्षले किटानी जाहेरी दिएका थिए ।
उनलाई पक्राउ गरी सुनसरी जिल्ला अदालतबाट म्याद थप गरी घटनाको बिषयमा थप अनुसन्धान भईरहेको ईलाका प्रहरी कार्यालय धरानले जनाएको छ । छुरा प्रहारबाट घाईते राईको अवस्था सुधारोन्मुख छ ।
