मोरङ । मोरङको पथरीशनिश्चरेमा आज मोटरसाईकलको ठक्करबाट एक बृद्धको मृत्यु भएको छ । पथरीशनिश्चरेस्थित भित्री सडक खण्डमा बिहान साढे ९ बजे बा.६९ प.७४५ नम्बरको मोटरसाईकलले ठक्कर दिदा साईकलमा सवार पथरीशनिश्चरे–१० का ६० बर्षीय चक्रबहादुर खड्काको मृत्यु भएको हो ।
Advertisement
मोटरसाईकलको ठक्करबाट टाउकोसहित बिभिन्न भागमा चोट लाग्दा खड्का गम्भीर घाईते भएका थिए । उपचारका लागि बिराटनगरस्थित नोवेल अस्पताल लगिएका उनको दिउँसो पौने २ बजे मृत्यु भएको जिल्ला प्रहरी कार्यालय मोरङले जनाएको छ ।
घटनापछि मोटरसाईकल चालक पथरीशनिश्चरेका हेमचन्द्र बास्तोलालाई प्रहरीले नियन्त्रणमा लिएको छ ।
