धनकुटा । धनकुटामा शनिवार (भोली) दिउँसो विद्युत अवरुद्ध हुँने भएको छ । शनिवार ७ घण्टा विद्युत अवरुद्ध गरेर विद्युत प्राधिकरणले धरान–धनकुटाको विद्युत लाईन मर्मत गर्न लागेको हो ।
Advertisement
३३ केभी विद्युत लाईन वरपरका रुखका हाँगाविगा, झाडी कटान तथा लाईनको जम्पर कस्ने र डिक्स पिन बदल्नुपर्ने भएकाले शनिवार बिहान १० बजेदेखि साँझ ५ बजेसम्म विद्युत अवरुद्ध हुँने प्राधिकरण धनकुटा वितरण केन्द्रका प्रमुख दिपक सापकोटाले जानकारी दिए । उनका अनुसार मौसम प्रतिकूल भए विद्युत अवरुद्ध हुँने समय हेरफेर हुन सक्नेछ ।
लाईन मर्मतका लागि धरानबाटै ३३ केभी लाईन बन्द गरिने हुँनाले धनकुटासहित छिमेकी जिल्ला भोजपुर, तेह्रथुम र संखुवासभाका केही क्षेत्रमा पनि विद्युत प्रभावित हुनेछ । प्राधिकरणले आवश्यकता अनुसार लाईन मर्मतका लागि विद्युत अवरुद्ध गर्ने गरेको छ ।
