मोरङ । माछा पोखरीमा डुबेर मोरङको सुन्दरहरैंचाका एक युवकको मृत्यु भएको छ । सुन्दरहरैंचा नगरपालिका–१० मा रहेको माछा पोखरीमा नुहाउने क्रममा डुबेर स्थानीय २० बर्षीय आकाश राईको मृत्यु भएको हो ।
आईतवार राती सवा ८ बजे साथीहरुसँग नुहाउन पोखरीमा पसेका राई डुबेर बेपत्ता भएका थिए । घटनाको जानकारी पाएपछि बिपद व्यवस्थापन गुल्म चन्द्रगढी र सशस्त्र प्रहरीको टोली घटनास्थल गएको थियो ।
Advertisement
पोखरीभित्र खोजि गर्ने क्रममा आज बिहान उनको शव फेला परेको ईलाका प्रहरी कार्यालय बेलवारीले जनाएको छ । मृतकको शवलाई पोष्टमार्टमका लागि मंगलवारे अस्पताल लगिएको छ ।
