भोजपुर । भोजपुरमा ट्याक्टर दुर्घटना हुँदा एक बालिकाको मृत्यु भएको छ । रामप्रसादराई गाउँपालिका–५ स्थित भित्री सडक खण्डमा को.२ त.८७१४ नम्बरको ट्याक्टर दुर्घटना भएको हो ।
Advertisement
दुर्घटनामा परी रामप्रसादराई गाउँपालिका–५ की १४ बर्षीया पुष्पा पराजुलीको मृत्यु भएको जिल्ला प्रहरी कार्यालय भोजपुरले जनाएको छ । बिहिबार साँझ ५ बजे अनियन्त्रित भई ट्याक्टर सडकबाट करिब ५० मिटर तल खस्दा ट्याक्टरमा सवार बालिकाको घटनास्थलमै मृत्यु भएको हो ।
दुर्घटनामा परी ट्याक्टरमा सवार थप ५ जना घाईते भएका छन् । उनीहरुलाई उपचारका लागि बिराटनगर पठाईएको छ । ट्याक्टर चालक भोजपुर आमचोकका ३५ बर्षीय मानबहादुर श्रेष्ठलाई प्रहरीले नियन्त्रणमा लिएको छ ।
