धरान । धरान उपमहानगरपालिका–१५ स्थित एक घरमा आज बिहान आगलागी हुँदा जलेर आमा र छोरीको मृत्यु भएको छ । स्विमिङ पुल पछाडि रहेको नरबहादुर श्रेष्ठको घरमा आगलागी हुँदा श्रेष्ठकी आमा ८७ वर्षीय धनकुमारी श्रेष्ठ र बहिनी ५८ वर्षीय सीता श्रेष्ठको जलेर मृत्यु भएको हो ।
Advertisement
सीता बोल्न सक्दिन थिईन् । घरमा आगो लागेपछि छोरीलाई निकाल्न जाँदा जलेर आमा छोरीकै मृत्यु भएको प्रहरीले जनाएको छ । जलेर मृत्यु भएका आमा छोरीको शव घरको तलामाथि फेला परेको इलाका प्रहरी कार्यालय धरानका प्रमुख डीएसपी ढुण्डिराज न्यौपानेले संगालोखबरलाई जानकारी दिए । मृतकको शवलाई पोष्टमार्टमका लागि धरान स्थित बीपी कोईराला स्वास्थ्य बिज्ञान प्रतिष्ठान लगिएको छ ।
खाना पकाउँने ग्याँस लिक भएर वा बिद्युत सर्ट भएर आगलागी भएको हुनसक्ने अनुमान गरिएको डीएस्पी न्यौपानेले बताए । धरान उपमहानगरपालिकाको दुई वटा दमकलको सहायतामा स्थानीयबासी र प्रहरीले आगो नियन्त्रणमा लिएका छन् । आगलागीबाट श्रेष्ठको दुई तले घर जलेर नष्ट भएको छ ।
