बिराटनगर । मोरङको कानेपोखरी गाउँपालिका–५ मा ट्याक्टरबाट लडेर एक जनाको मृत्यु भएको छ । आज बिहान सवा ९ बजे पूर्व पश्चिम राजमार्ग अन्तरगत पश्चिमबाट पूर्व तर्फ जाँदै गरेको को.२ त.२४५९ नम्बरको ट्याक्टरबाट लडेर स्थानीय २७ बर्षीय प्रबिण राईको मृत्यु भएको हो ।
ट्याक्टरबाट लडेर घाईते भएका राईलाई उपचारका लागि मंगलबारे अस्पताल लैजाने क्रममा बाटोमै उनको मृत्यु भएकोे ईलाका प्रहरी कार्यालय पथरीले जनाएको छ ।