ताप्लेजुङ । ताप्लेजुङको मेवाखोलामा हामफालेर बेपत्ता भएका एक युवक मृत भेटिएका छन् । मिक्वाखोला गाउँपालिका–४ का २१ बर्षीय केशव खवास मृत फेला परेका हुन् । गत मंगलबार मेवाखोलामा हामफालेर उनी बेपत्ता भएका थिए ।
बेपत्ता खवासको खोजी गर्ने क्रममा शुक्रवार बेलुका ७ बजे घटनास्थल भन्दा करिव दुई सय मिटर तल मृत अवस्थामा उनको शव फेला परेको जिल्ला प्रहरी कार्यालय ताप्लेजुङले जनाएको छ ।