सुनसरी । सुनसरीको देवानगञ्ज गाउँपालिका–१ बाट ठुलो परिमाणमा लागुऔषधसहित १ जना पक्राउ परेका छन् ।
आज बिहान साँढे ४ बजे ईलाका प्रहरी कार्यालय हरिनगराबाट खटिएको प्रहरी टोलीले हरिनगरा गाउँपालिका–१ लब्टोलियाबाट हरिनगरा–७ का २१ बर्षीय भोला भनिने नरेश कुमार यादवलाई लागुऔषधसहित पक्राउ गरेको हो ।
पक्राउ परेका यादवको साथबाट प्रहरीले अवैध लागुऔषध नुफिन–५८० एम्पुल, डाईजेल्याब–५६० एम्पुल र फेनारगन–५६० एम्पुल गरी १७०० एम्पुल बरामद गरेको छ ।
यादवको लागुऔषध कारोबारका बिषयमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।