झापामा गाईको बाच्छो काटेर खाएको आरोपमा तीन जना पक्राउ

झापा । झापाको गौरादह–४ मा गाईको बाच्छो काटेर खाएको आरोपमा तीन जनालाई प्रहरीले पक्राउ गरेको छ । पक्राउ पर्नेमा गौरादह–४ का २८ बर्षीय रमेश दर्जी, ५० बर्षीय रमेश सतार र ६० बर्षीय मद्रासी सतार छन् ।

गएराती १० बजे रमेश दर्जीको घरमा उनीहरुले बाच्छो काटेर मासु खाएका थिए । उनीहरुले बाच्छो काटेर खाएको र टाँउको र दुई वटा खुट्टा खेतमा पुरेको भन्दै स्थानीयले प्रहरीलाई आज बिहान खबर गरेका थिए ।

घटनाको जानकारी पाएपछि ईलाका प्रहरी कार्यालय दमकबाट प्रहरी टोली घटनास्थल गएको थियो । घटनास्थल पुगेर अनुसन्धान गर्दा बाच्छो काटेको खुलेकाले उनीहरुलाई पक्राउ गरिएको ईलाका प्रहरी कार्यालय दमकले जनाएको छ ।