पाँचथर । पाँचथरको तुम्मेवा गाउँपालिका–५ हाङबुङमा आज बिहान भीरबाट खसेको ढुंगाले किचेर कामदारको मृत्यु भएको छ ।
निर्माणाधिन पुलमा काम गर्दै आएका भारतको सिपोल शंकरापुर गाउँ पञ्चायतका २४ बर्षीय नजिबुल महोमदको ढुंगाले लागेर मृत्यु भएको हो ।
Advertisement
दिनभर काम गरेर खोला नजिकै टेन्ट टाँगेर सुतिरहेको अबस्थामा बिहान करिव ३ बजे भीरबाट खसेको ढुङगाले लाग्दा उनको घटनास्थलमै मृत्यु भएको जिल्ला प्रहरी कार्यालय पाँचथरले जनाएको छ ।
घटनाको जानकारी पाएपछि इलाका प्रहरी कार्यालय रविबाट प्रहरी टोली घटनास्थल गएको छ ।
